काठमाडौं । केही दिनदेखि
सुधारको बाटो पछ्याइरहेको सेयर बजारमा यो साताको पहिलो दिन उच्च अंकले सुधार आएको छ
। आइतबार ४३ अंकले उकालो लागेको बजारलाई साथ दिंदै यस दिनको कारोबार रकम पनि ५० करोडले
बृद्घि भएको छ ।
आइतबारको सेयर बजार
मापक नेप्से परिसूचक ४२.६१ अंकले उकालो लागेर १२५५.७२ को विन्दुमा पुगेर अडिएको छ ।
यस दिन क वर्गका कम्पनी मापक सेन्सेटिभ इन्डेक्स ८.४७ अंकले उकालो लागेर २७२.७३ अंकमा
पुगेको छ । समग्रमा साताको पहिलो दिनको नेप्से ३.५१ प्रतिशतले उकालो लागेको छ भने सेन्सेटिभ
इन्डेक्स ३.२० प्रतिशतले उकालो लागेको छ ।
आइतबार नेप्से परिसूचक
पाँच महिनायताकै उच्चतम विन्दुमा पुगेको छ भने यस दिन दुई दर्जनभन्दा बढी कम्पनीको
सेयर मूल्यमा सकारात्मक सर्किट लागेको छ ।
अघिल्लो दिन घटेर बन्द
भएको सेयर मापक नेप्से परिसूचक अन्तिम कारोबार दिन भने ३.१५ अंकले बढेर १२१३.११ को
विन्दुमा पुगेको थियो । त्यस्तै क वर्गका कम्पनी मापक परिसूचक सेन्सेटिभ इण्डेक्स पनि
०.९५ प्रतिशतले सुधार भएर २६४.२६ विन्दुमा पुगेको थियो । समग्रमा नेप्से ०.२९ प्रतिशत
र सेन्सेटिभ इण्डेक्स ०.३६ प्रतिशतले सुधार भएको थियो ।
आइतबार १७९ कम्पनीको
१५ हजार ९०७ पटकको कारोबारमा एक अर्ब ३३ करोड ५७ लाख ४७ हजार रुपियाँ बराबरको ३८ लाख
३१ हजार कित्ता शेयर खरिदबिक्री भएको छ । जुन अघिल्लो दिनको तुलनामा पचास करोड रुपियाँभन्दा
बढी हो ।
बिहीबार १७७ कम्पनीका
३८ लाख ४९ हजार ७२२ कत्ता सेयर किनबेच हुँदा
८३ करोड ७० लाख ३५ हजार ७५७ रुपियाँको कारोबार भएको थियो । यो अघिल्लो दिनको तुलनामा
१० करोड ६१ लाख भन्दा बढीको कारोबार थियो ।
बुधबार १७२ कम्पनीका
२१ लाख ८५ हजार ३९७ कित्ता सेयर किनबेच हुँदा कूल ७३ करोड आठ लाख ५२ हजार ३४५ रुपियाँको
कारोबार भएको थियो ।
आइतबार कारोबारमा आएका
सबै उपसमूहको परिसूचक उकालो लाग्दा निर्जीवन बीमा उपसमूहको परिसूचक सर्वाधिक ८.१७ प्रतिशतले
उकालो लागेको छ । लघुवित्त र जीवन बीमा उपसमूहको परिसूचक साढे छ प्रतिशतभन्दा बढीले
उकालो लागेको छ ।
बिहीबार भएको कारोबारमा
आएका १२ उपसमूहमध्ये व्यापार, विकास बैङ्क, निर्जीवन बीमा, लघुवित्त र जीवन बीमा उपसमूह
उकालो लागेर बन्द भएका थिए भने बाँकी उपसमूहको कारोबार खस्केको थियो ।
आइतबार नेपाल इन्स्योरेन्स,
प्रमियर इन्स्योरेन्स, मेरो माइक्रोफाइनान्स, सिद्धार्थ इन्स्योरेन्स, सूर्या लाईफ
इन्स्योरेन्स लगायतका कम्पनीहरुमा सकारात्मक सर्किट लागेको छ । सर्किट लागेका कम्पनीहरुमध्ये
अधिकांश निर्जीवन बीमा र लघुवित्त कम्पनीहरु रहेका छन् ।
सर्वाधिक
कारोबार हुने कम्पनीहरुको सूचीको शिर्ष स्थानमा नेपाल लाइफ इन्स्योरेन्स रहेको छ ।
सो कम्पनीको यस दिन ५ करोड ८८ लाखभन्दा बढीको शेयर खरिदबिक्री भएको छ । त्यसैगरी, यस
दिन ग्रामीण विकास लघुवित्त र एनआईसी एशियाको कारोबार रकम चार करोड नाघेको छ । शिवम्
सिमेन्ट्स, डिप्रोक्स लघुवित्त, फस्ट माइक्रोफाइनान्स र नेपाल बैंकको तीन करोडभन्दा
बढीको शेयर खरिदबिक्री भएको छ ।
