काठमाडौं । बजेटमार्फत सरकारले बीमा महाविपत्ती बोण्ड जारी गर्ने भएको छ । बीमा समितिको सुझाव अनुसार कोरोना बीमाको भुक्तानी गर्न यस्तो बोण्ड जारी गर्न लागिएको हो ।
यस्तै सरकारले बजेटमार्फत एक घर एक बीमा योजना सञ्चालन गर्ने घोषणा गरेको छ । आगामी आवभित्रै गरिब समुदाय तथा कृषि क्षेत्रलाई समेट्ने गरी लघु बीमा कम्पनीहरु ल्याइने पनि बजेटमा उल्लेख छ ।
यस्तै उनले बीमित र बीमकको हितको लागि बीमा सूचना केन्द्रको स्थापना गर्ने महाविपत्ति बण्ड जारी गर्ने घोषणा गरे ।
बीमा गर्दा ४० हजार रूपियाँ आयकर छुट
सरकारले जीवन बीमा गर्दा ४० हजार रुपियाँसम्म आयकर छुट प्रदान गर्ने भएको छ । बजेटमार्फत सो व्यवस्था गर्न लागेको हो ।
हाल सरकारले जीवन बीमा गर्ने नागरिकहरुको आयकर बापत बुझाउनुपर्ने रकममा प्रत्येक वर्ष २५ हजार रूपियाँसम्म कर छुट दिँदै आएको थियो छ ।
बीमा समितिले आगामी आर्थिक वर्षको बजेटले त्यसको सीमा बढाएर एक लाख रूपियाँ कायम गर्नुपर्ने माग गरेको थियो । तर सरकारले जीवन बीमा गर्दा ४० हजार रुपियाँसम्म छुट प्रदान गर्ने घोषणा गरेको हो ।
बीमितलाई आयकर छुट दिँदा जीवन बीमा गर्नका लागि प्रोत्साहन प्रदान हुने र बचतमा प्रोत्साहन हुने भएको छ ।
