.jpeg)
काठमाडौं । अस्पतालहरूमा देखिने रगतको अभाव न्यूनीकरण गर्न सहयोग पु¥याउने उद्देश्यले नव टाकुरा बचत तथा ऋण सहकारी संस्था लिमिटेडले शनिबार रक्तदान कार्यक्रम आयोजना गरेको छ ।
न्यूरोडको प्यूखामा रहेको संस्थाले दरबार हाइस्कुल परिसरमा आयोजना गरेको रक्तदान कार्यक्रममा ५५ जना रक्तदाताले स्वेच्छिक रूपमा रक्तदान गरेका थिए । संस्थाको नजिकिँदै गरेको १७ औं वार्षिकोत्सव तथा १६ औं साधारणसभाका अवसर पारेर समाजमा रक्तदानप्रति सकारात्मक सन्देश फैलाउने उद्देश्यले कार्यक्रम आयोजना गरिएको संस्थाका अध्यक्ष नवराज गौतमले बताउनुभयो ।
संस्थाले हरेक वर्ष स्थापना दिवसको अवसरमा सदस्यहरुमा बचतसम्बन्धी शिक्षामूलक र प्रवद्र्धनात्मक कार्यक्रमका साथै समाजमा रक्तदानप्रति सकारात्मक सन्देश फैलाउने उद्देश्यले रक्तदान कार्यक्रम आयोजना गर्दै आएको संस्थाका व्यवस्थापक पदम निरौलाले बताउनुभयो ।
मानव जीवन बचाउन महत्वपूर्ण भूमिका खेल्ने उद्देश्यसहित आयोजित उक्त कार्यक्रममा स्थानीय युवायुवती, समाजसेवी तथा सो क्षेत्रका व्यापारी एवम सर्वसाधारणको उल्लेखनीय सहभागिता रहेको थियो ।
सो अवसरमा रक्तदान कार्यक्रम सफल बनाउन सहयोगी संस्था÷अस्पताल÷रेडक्रसका प्रतिनिधि, रक्तदाताहरुलाई सम्मानपत्र प्रदान गरिएको थियो । आगामी दिनहरूमा यस्ता सामाजिक सेवामूलक कार्यक्रमलाई निरन्तरता दिने आयोजक संस्थाले जनाएको छ ।
.jpg)
.jpg)
.jpeg)
